वो.. काली रात…
October 9, 2017
दास्तां…
October 12, 2017

Hello everyone.. mera naam akansha hai or main gwalior ki rahne wali hu. Meri age 22 years hai. Main ek sidhi sadhi simpal ladki hu, or choti choti bato me apni khushi dundh leti hu. Mujhe khana banana bohot passand hai. Me hamesha apne free time me kuch na kuch cooking karti rahti hu. Isliye mene 12th ke baad hotel management ka socha or gwalior ke hi ek ache college me admission le liyaa.. mere nature ki wajah se jaldi hi meri dosti waha lagbhag sabhi logo se ho gayi…
Ab mera jyadatar waqt college me hi bitne laga. Mere chulbule swabhav ki wajah se sab mujhe bohot pasand karte the. Ab hamari bakery class bhi start ho chuki thi waha hamare bakery chef suarabh ji the jo dehradun se belong karte hai. Wo bohot hi ache nature ke hai or sabhi ko bohot pyar se sikhate hai.. me akasar unki class me kuch na kuch galti kar deti thi lekin unhone mujhe kabhi dataa nahi.. dhire dhire wo mujh par bohot jyada dhyan dene lage. Mujhe thodi si bhi problem hoti to wo foran meri help karne aa jate. Mujhe pata hi nahi chala unka care kab pyar me badal gaya or mujhe is baat ka zara bhi andaza nahi thi. Saurabh ji ab jyada se jyada waqt mere sath rahte or mujhe nayi nayi chige banana sikhate.. wo aksar kuch kahne ki koshish karte lekin chup ho jate the.. me unse puchti kya hua to baat ghuma dete or haste huye bat taal dete the. Ek din unke dost munish ji ka birthday tha to party me suarabh ji ne bohot drink kar li or nashe me apni feelings munish ji ko bataa di.. ki me akansha ko chahne laga hu or ab yah soch ke bhi darr lagta hai ki agar wo meri life me na ayi to me kese ji paunga uske bina. munish ji se unki yah halat dekhi nahi gayi. Or unhone mujhe sab batane ka socha. Next day college me munish ji mere pass aye or kal raat ki sari bat mujhe batate huye kaha. Suarabh tumse bohot pyar karta hai. Wo ek acha ladka hai or tumhe bohot khush rakhega please usse baat karke dekho. Main bhi suarabh ji ko like karti thi lekin is tarah ka to mene kabhi socha hi nhi tha. To mujhe jab yah sab pata chala to me bohot gussa ho gayi or apni friend poonam ko lekar sidha ghar chali gayi poonam meri bohot achi dost thi to mene use sab bataya. Poonam ne mujhe bohot samjhaya ki tu ek bar bat karke to dekh ese college chhod dena achi bat nahi. Lekin main nahi mani or bohot dino tak college nahi gayi. Fir ek din mujhe pata chala ki mere college na jane ki wajah se saurabh ji bohot pareshan hai or mere college chodne ko lekar gilty feel kar rahe hai. Jiski wajah se unki tabiyat bohot kharab ho chuki hai and abhi wo hospital me admit hai. Mujhe yah sun ke bohot bura laga or me Poonam ke sath unhe hospital dekhne gyi. Jaha unki halat sach me bohot serious thi. Lekin wo yah kah kar dawai nahi kha rahe the ki pahle wo mujhse mafi manga chahte hai. Mene unse waha apne behavior ke liye sorry kaha and unka dhyan rakhne lagi. Ab hamari dosti pahle se bhi gahri ho gayi thi. Unke thik ho jane ke bad unhone mujhse ghoomne jane ke liye kahaa.. ab mujhe bhi wo ache lagne lage the to me maan gayi and hum pass ke hi ek kilne me ghumne gaye.. waha unhone mujhe choclate de kar apne kaan pakad kar mafi mangi… and ek red rose ke sath mujhe propse kiya. Me shocked thi because mene itna sab expect nahi kiya.. tha mujhe unki is baat pe bohot pyar aa raha tha and mene unhe haa kar diya. Unhone mujhe hug kiya or mujhse wada kiya ki chahe kuch bhi ho jaye tumhe kabhi hurt nahi karunga and i relly love you. Unhone mere bare me apne ghar par bhi baat ki and hum apni shadi ke sapne dekhne lage… wo pal kisi sapne se kam nahi the.. aj bhi un bato ko yad karke me aksar muskurane lag jati hu.. lekin ab suarabh ji ko mangment ki taraf se goa jana pada..unke jane se pahle hum sirf 2 bar mil paye the. lekin wahaa ja kar unka pyar kam nahi hua. Main unhe bohot miss karti hu. Unhe bhi jese hi time milta hai wo mujhe call kar lete hai..
Har pal bass unka intjar rahta hai. Unki yaad me ek ek pal mano mere liye salo ke jese hai… problem hai to bass is bat ki, ki jab me unse bat karti hu to ye pal itni jaldi kyu bitne lagte hai..esa lagta hai jese abhi to bat shuru hui thi…
Main yah to nahi janti ki mujhe or kitne din us pal ka intzaar karna padega.. lekin jis din wo pal ayga. Wo meri jindgi ka sabse haseen lamha hoga….

WRITER- AKANSHA

Leave a Reply

Your email address will not be published. Required fields are marked *