Darr Ek saja…
November 18, 2017

Hello dosto. Main aryan delhi se hu.  Hal hi me mene B-tech complete ki hai.  Yeh kahani meri or mere pahle pyar ki hai . .college ka pahla din tha .nayi city, naye log, nayi jagah sab naya tha. Main yahaa ana nahi chahta tha lekin hamare shahar me koi acha college na hone ki wajah se gharwalo ne mujhe delhi bhej diya.
Is college me admission to le liya lekin yaha sab apne me hi rahte the. Bohot kam ladko se meri bat hoti thi.
Or Ladkiya..! unka dur dur tak to koi namunishan hi nahi. Uper se mechanical branch. Hum jese ladke to ladkiyo ke naam sunne ke liye taras jate hai.
Papa ne bhi saaf saaf kah ke bheja tha, dekh tu padai karne jaa raha hai. Kahi ladkiyo ke chakkar me pad gaya to wahi aa ke marunga. Or hum thahre agyakari balak papa ki bat dimag me liye mahine bhar se exam ki teyari kar hi rahe the tabhi…
Ek din notice bord pe bohot bheed lagi dikhi to hum bhi dekhne pohoch gaye ki akhir chal kya raha hai jara hum bhi dekhe…
Tabhi piche se ek awaj aayi “jaraa said honge aap”. Ek ladki ki awaj wo bhi itni pyari. Such kahu to mujhe usi waqt pyar ho gya tha. Sayad wo meri life me suni sabse pyari awaj thi. Dil ko thame hum piche mude.. to jese ankhe fati ki fati rah gayi ho.. jitni khubsuart awaj utni hi sundar wo thi…
Meri halak se to jese awaj hi nikli band ho gayi thi.
Ab bhai room pohoche to sari raat bass usi ki bate ki, yar kitni khubsurt thi. Esi thi wesi thi… jo bhi thi gajab thi.
Next day thodi jaanch-padtal ki to pata chala. Wo hamari senior thi. Dil wahi beth gya, lekin kya karte pyar to ho hi chuka tha…
Ab jese tese unse bat karne ki koshish shuru ki, kabhi unse kuch puchna to kahi unke dosto ko patana.. sari jugad lagaa ke akhir unse dosti ho hi gayi.
Ab to 24 ghante unhi ka nasha. Subah uth ke unko good morning bolo. Sham ko unka halchal puchna..
Sari bate kar li sab jaan liya lekin kabhi dil ki bat kahne ki himmat nahi ayi.
Ek to mechanical branch ka ladka, kuch bolne jao to pahle yah dar lgta hai. Kahi bhai na bana le. Ya jyada gussa aya to maar bhi sakti hai.
Andar hi andar dar bhi lagta tha ki kahi usne dosti bhi tod di to jo ek ladki se bat Hoti thi wo bhi band na ho jaye.
Sabko pata tha kitna pyar karta hu usse. Shayad use bhi pata tha, lekin dosti kabhi age badi hi nahi. Hamare pyar ko mechanical branch ke bojh tale dabaa diya gaya…
Dosto ne bohot force kiya, ki ja ke ek bar baat to kar le. Fir jo hoga dekha jayga.
Lekin jese hi uske pass jata sab sunn pad jata. Bat karne ki himmat hi nahi hoti.
Ese hi mera Final year aa gaya. Or wo apna B-tech complete karke chali gayi.
Ab unki shadi ho gayi.. lekin mujhe aj bhi unka chahra wo pahli awaj. Unki hasi bohot yaad ati hai. Aj bhi hum unhe utna hi pyar karte hai, jese pahle kiya karte the.

Edit by- Aditya sen

Leave a Reply

Your email address will not be published. Required fields are marked *