Miss. Priya
February 12, 2018
Self-respect
February 27, 2018

Aaj subah se hatho me copy pen le kar betha hu.. bar bar likhta hu fir use faad deta hu. Kya karu samjh hi nahi ata kin shabdo me apna ishq jahir karu. Wo hai bhi to itni khubsurat, ki unki tarif me likha har lafz unke noor ke samne fika sa lagta hai. Shayad unki masumiyat ko lafzo me bayan kar panaa mumkin hi nahi.. varna naa jane kitni-hi kitabe bhar chuka hota unke naam.

Thodi bohot koshish ke baad ek chota sa khatt teyar to kar liya hai. Ab soch raha hu, ek tohfa to hona chahiye na is khat ke baad. Or sath me ek gulab.

Main market chala gaya kyu ki abbu ke ane se pahle ghar bhi ana tha, varna wo mere hatho me yeh sab dekh lete to meri kher nahi thi. Main market me bohot der ghuma or unke liye ek braslet pasand kar ke le ayaa. Sham ko mere ghar ane ke kuch hi der baad abbu bhi chale aye. Kuch pareshan the to ammy ne unhe pani diya or mujhe jaldi abbu ke liye unka pajama lane ke liye kaha jo wo aksar ghar me pahna karte the.
Me jaldi se pajama le aya, abbu ne meri taraf dekha or bole.
Tumhare exam ko kitne din baki hai. Maine thoda soch kar kahaa ki karib 2 ya 3 mahine. Abbu ne ek rahat ki saans li or kahaa chalo, fir sab thik se nipat jaygaa.
Maine kahaa kya nipat jayga to abbu bole, bad me batata hu pahle jaa kar apna saman bandh lo, jo bhi jarurat ka ho sab le lo
Hame aj hi indor ke liye nikalna hai.
Yeh sunte hi mere hosh udd gaye.
Sabse pahle mere samne miss priya ka chahra aya or fir wo khatt jo main kal unhe dene wala tha.
Maine abbu se pucha kya baat hai saman kyu pack karna hai. Hum indor kyu jaa rahe hai. Abbu ne kaha transfer ho gaya hai or monday ko waha office me reporting dena hai. Waqt bohot kam hai jaldi jaao.

Mere kuch samajh main nahi aa raha tha kya kru, abbu ko kya kahu.
Kal to main unse apne pyar ka ijhar karne wala tha. Unhe yeh batane wala tha ki kis had tak me unhe pyar karne laga hu. Unka hamesha sath dene ka wada karne wala tha,
Or ajj.. yeh sab.

Maine abbu ko bohot samjhane ki koshish ki, unhe bataya kal school me test hai. Mera jana bohot jaruri hai. Lekin unhe unki duty ke siwa kuch dikhai hi nahi de raha tha.
Unhone mere school principal se bhi transfer ki baat kar li.

Aj pahli bar main khud ko itna bebas mehsus kar raha tha.
Mujhe aj apne school na jane ke fesle par gussa bhi aa raha tha, or miss priya se dur jane ke khayal se rona bhi.
Jis pyar ki shuruat ke me sapne dekh raha thaa usi sapne ki chita meri ankho ke samne thi.

Mera pyar, dhul me lipti kisi kitab ke un, adhure panno me likhi…,
kisi adhuri kahani ki tarah adhura hi rah gya. Jise waqt ke qahar ne tar tar kar diya ho.

Written by- Aditya sen

Miss priya part 1 –

Miss. Priya

1 Comment

  1. Abhishek says:

    next part ka intzaar rahega

Leave a Reply

Your email address will not be published. Required fields are marked *